年初四之大澳之旅

吾駛拜年，又未開公，假又未放完，同家姐去大澳行下街食下野。第一站去左"其記士多"食左碗餐蛋麵＋凍奶茶同奶油多。跟住去左呢檔車仔檔食燴魷魚同燴魚春配辣椒豉油，真係好正，大家下次來大澳一定要試，認住呢位帶帽既婆婆！最後去埋"車站豆腐花"試下佢地既出名既豆腐花都幾好味！

豬仔賀豬年！

每年年初二都會到將軍澳阿姨拜年，兼食埋開年午飯。今年多左位特別嘉賓，就係表姐既仔仔啦！今次都係第一次見佢，佢個頭又真係幾大喎！哎.....咁又做左表舅父啦！時間真係過得快！遲下又做舅父啦！吾知係男仔定女仔呢？

恭喜發財！

祝大家身體健康，心想事成，工作順利，青春常註！
早幾日都忙執屋，清潔，大掃除，屋就得咁“ 大“ 間，住既人就越來越少，以前都有家姐、阿哥分擔下，宜家就一個人負責哂全屋（除左廚房）
不經不覺搬左來這間屋都有８﹣９年，都有好多地方想裝修過，廁所、地板、牆身、廚房..............，Ai............都要儲下錢至得啦！（吾知我個頭獎幾時會到呢.......zzzzzzzzz)

自家制千層糕

Ai..........辛苦左成日，終於都用哂所有牛油同蛋黃，焗好呢2細2大既千層糕！（最左手面最醜樣果個並不是我焗呀！）
前幾日家姐就自己一個人焗成日就整左6個，我今日就用左半日到就整到4個！所有牛油同蛋都由阿媽一早預備好，我地就負責焗果part!
一大一細巳經預留俾細姨同陳生，剩低既一大一細就分俾各方好友同拜年既親友，手快有，手慢就冇啦！

深圳training-part II

真係俾阿徐生嚇死，竟然將本回鄉簿放係褲既尾袋，就係咁就整吾見左！開頭都以為好大鑊，但去到補辦處都見到有不少港客遺失回鄉證！
手續都好簡單，填好個人資料，俾＄２００，包影４張即影即有相，將所有資料fax番香港，等５﹣６小時後，就會有張臨時回鄉證。如果大家真係係大陸旅行途中遺失回鄉證既，最好一朝早就去補辦啦！因為太遲去，可能要到下一個工作天先有得攞！
係等候呢數小時，我同徐生就去左試乘深圳地鐵，跟住去睇左呢一世以來最差既戲院......，全黑既環境，全廳都係情侶雙座(不過吾舒服），好辛苦咁睇左勁“疾“既片尾，係開頭訓著左，係片中段反覆咁醒下睇下，再片尾起身睇番都係好“ 疾“ 既結局！就係咁，係全院得我、徐生同埋一對情侶，每人用左＄２５，就包起成個院，好辛苦咁睇左套播碟版既“ 三分鐘先生“ ! 真係番屋企租碟睇好過！
之後係樓下一間自稱“鼎泰豐“ 既餐廳食tea，食物都ok既，不過應該吾係台灣個間既分店啦！

深圳training-part I

呢個禮拜尾真係節目豐富，由星期五、六既２日１夜ＸＸ營薪教師發展日，到星期日既家長日。
呢次我們住宿既地點係位於深圳既貝齡居，話就話要經特別途徑先訂到，不過一打開房門就有陣霉味，應該都好少人住過，冷氣又吾夠凍，裝修都幾殘下。
擺抵行李，大家就要上天台既會議室聽講座，報局似足電視上面睇既人民大會堂咁，不過杯茶又幾好飲，同事話係龍井喎！
夜晚因為旅遊巴俾其它私家車塞住左，退吾到架車，最後取消左睇世界之窗既節目，改左自由時間，好多人都走左去按摩、修腳甲。
我都有去不過只係按左個頭，肩，修左腳甲同磨腳皮，同埋睇左套偷拍版“ 黃金甲“ 。

My new camara......

Ai........經過呢幾日日思夜想，今日收工第一時間趕去陳烘度將佢帶返屋企！諗過度過，將來都會好難用番呢個價錢搵番呢set咁齊又咁新既hexar！未來既日子就算節衣縮食都係抵既！
呢排不斷上網搵hexar既資料，收集其它用家既經驗，仲買左呢三隻富士負片菲林: 1.Reala iso100 2.Superia iso200 3.Natura iso1600（水貨，可以係室內低光環境吾開閃燈都可以影到相，我有３筒，有冇人想試下呢？）
＊PS.大家有冇留意到富士既logo由第1 &3果兩盒轉左去第２盒既新logo呢？

Konica Hexar

第一次見你,是在星島日報副刊的一篇訪問日籍攝影師kabo小姐既最愛和最常用的相機。從此之後，不斷在網上搜尋你的縱影和資料。從網上看過你拍下的照片和網友的贊賞，令我對你的興趣日漸加深。今天路過尖沙咀香檳大廈，原本只是看一看有沒有T3/GR1V，忽然間從這個櫥窗裏找到你！在這幾天，你的影像不斷在我腦海中浮現，究竟我可以與你有緣走在一起嗎？

外評後的安樂晚飯

係呢幾個禮拜校園內，每個人都忙個不停，忙整board,忙執file,忙check 機,忙搞展覽,忙採排,忙係２﹣３日內搞哂Ｄ活動,忙點樣係課堂加多Ｄlab,活動,分組,提問,贊賞,總結,忙ＳＬ....................真係得閒死吾得閒病！好在今日係最後一日外評同埋出左糧，今晚同好拍檔去左新世紀shopping 同食晚飯。終於都買到money姐分生日禮物啦，自己都襯sale買左２條褲＋１件tee！

重回Shatin IVE

由今晚開始,連續六個星期三晚都要返來沙田IVE上堂呢！為左了解多Ｄ 3-3-4 新高中既安排同運作，都報左呢個課程聽下啦！
冇返來都有2-3年，宜家好多地方都裝修哂，都差Ｄ吾認得點去廁所！
原來呢個吾止係talk咁簡單,仲要做個mini project 既lab架！未來新高中課程既lab tech 將會好鬼忙！一人分飾多角，lab tech,shadow teacher,AV tech,..................（咁人工有冇得加多Ｄ呢？）

軟硬暖笠笠12生肖公仔

06-07年真係year of SoftHard啦！Long time No see大碟,演唱會,DVD,又整左間shop賣t-shirt,cap,電話繩。繼暑假同Ｍ記出左套軟硬kittyBrick之後,係今個農曆新年前佢兩個又同Ｍ記出新野,就係呢一套12隻既軟硬暖笠笠12生肖公仔啦！各位軟硬fans下個禮拜18/1開始又要係咁幫親老麥換野同食野啦！都好在吾駛下下捱成個套餐先至有得換,只要買任何食品／飲品+$9.5就可以換一隻,每次最多可以+$38換4隻。AI.........呢個月真係破產啦！剛剛買左佢地套演唱會ＤＶＤ宜家又..............
＊Source from this week Milk magazine

終於都出iPhone啦！

Ai..........估中左２樣新產品iPhone同埋AppleTV,原來仲出埋新AirportExpress支援埋802.11n。不過大家既焦點都放哂落部iPhone度，完全忽略左其餘兩樣野！睇完個keynote都好想第一時間出番部,不過知道亞洲區要０８年先出到,真係呢年都吾好諗住換電話住,照睇佢呢個spec 又未support 3G,中文輸入,內置電池實戰時又吾知用得幾耐,同埋價錢應該都幾貴,美國果面都要簽２年約先賣緊~$4000(4GB)/$5000(8GB).不過今次Macworld冇提過新desktop,notebook,software同10.5.希望到０８年果陣亞洲版巳經係第２代,更靚既design,清哂1代既bugs,3.5G,支援中文顯示同輸入,電池更耐用,同埋最緊要就係有香港既itunes Music store Online就真係完全用哂iPhone既功能！大家都開始儲定錢睇下2007年Apple仲有Ｄ咩更驚喜既野引你地大出血啦！
＊吾知我以下既估計會吾會成真呢-１.有亞洲區既itunes online Music store 2.Macbook有mulit-touch既功能吾駛用keyboard 同mouse

聽日有咩新產品出呢？

2003年４月1日收到人生第一部自己買既電腦，多謝kenji兄既介紹，再加上去左睇apple既講座，就係咁就入左Apple既大家庭！
部powerbook同ipod到宜家為止都服侍得我好好，從未試過用電腦用得咁開心,吾駛驚病毒、藍畫面、format過部機..............
一陣間香港時間１點鐘就會開始steve job 既表演啦！２００７年究竟apple會有咩新野出呢？會吾真係出iphone,iTV, new isight,imac.....................

人越大，時間過得越快.................

話咁快又過左１年，０６年自己好懶，運動少左，煮餸少左，寫blog更加未post過！
０６年真係本人最黑仔既一年，新買手機第一期都未供就吾見左，最愛GR-D又墜地重傷，心愛的Beams 手表又爛表帶冇得戴............認真電器黑仔皇！
吾掂檔呀！０７年吾可以再係咁啦！而且睇番Ｄ相塊面越來越大！條腰又越來越粗！都要做番Ｄ野至得啦！

CE241205

原本打算同老媽子打邊爐橕枱腳渡過今晚，但最終約左３位小朋友去銅鑼灣行街,睇衫同去左翠華食晚飯！飯後甜品係行去天后食糖水，遊電車河到中環,搭渡海小輪到尖沙咀再各自搭車返屋企!希望係新既一年大家都平平安安,健健康康！更加希望係２年／４年後都係公司繼續見到你地呢３位小朋友！但呢日大家就搵到自己杯“麥旋風“渡過啦.............

救命、救命、救命...........呀!!!

過左呢個禮拜之後，我有排都吾會再想食雞翼啦！因為呢個星期既F.3 Bio實驗總共需要使用180條雞翼骨！你地係冇睇錯！真係180條！呢幾日我對雞翼既結構有真切的認識，因為除左要食之外，仲要去除軟骨部份，清洗每條骨頭，最後用焗爐焗乾。到現時為止，我仲爭大約６０條骨！試過肯德基既巴辣香雞翼、燒烤聚會既蜜糖燒雞翼、昨晚同今日lunch既滷水雞翼、今晚同明日lunch既咖哩雞翼................ 哎...........希望快Ｄ儲夠Ｄ雞骨啦！H....E....L....P.......!
*P.S. 多謝各方友好的頂力幫口！不過希望大家幫幫手食得乾爭Ｄ，等我洗骨洗得快手Ｄ！！

燒烤爐 version 1.0

籌備多時，由狗sir設計,我負責裝撼,價值$103蚊既自家制作既燒烤爐1.0終於整好啦！這次燒烤聚會,雖然人數吾多，不過好耐冇同班老友食下飯傾下計，係秋季星空下燒烤,真係好舒服呀！吾太冷吾太熱。經昨晚試用過後，真係好使好用，不過仲有好多改良既空間，eg. 免提燒烤叉panel，手動燒烤架，燒烤＋火煱２食，燴魷魚夾.............

Goodbye My friend!

Hey!Do you know that we both enter to this new company at the same period of time ma? In the begining, you got 5 brothers who live and work with you. But they seem not adopt to this new environment and leave us separately. And you living alone till now. I always worry about you will leave us just like your brothers,and you still look healthy and energetic ar! What happened to you recently lae? You seem no mood to eat ar! Today, when I just want to change some fresh water and food to you, just realized that you have leave us silently. It really a shock to me and my partner. Your leaving is it telling me that I need to have some new idea,action or decision for the comming future? Wish you have a better next life! Goodbye my dear 龜龜！

大掃除.......

吾係因為２﹣３個月後既新年大掃除，而係仲有２﹣３個禮拜到，就到家姐結婚擺酒之日。最近都忙緊收拾屋企，由客廳，廁所到自己房都有排執、有排清。要定吾要？留定吾留？都要做好多次決擇，諗反起好多以前既回憶！記得最初搬入黎新屋既時候，間屋好大架，因為咩家私都未有，係宜家訂左張碌架床又未有貨，同阿哥打地鋪，周圍碌冇事。但係買下買下，越來越多家私、電器、書、ＤＶＤ、衫、褲、鞋........。最慘阿哥都搬左出去住，連佢負責開既客廳都要我執埋.............!吾知我執吾執得切？定係mission impossible呢?

Sick not equal to death

R0010599
Originally uploaded by jeffchan727.

This week many people around me were suffering from illness.My dear partner and friend.I know they are so busy these few weeks, busy for study,work and personal things.But remember to have some rest , eat healthy and relax during sleep!If feel sick, just go to see doctor la!Sick can cure!Just take some pills!Wish you all stay happy and healthy everyday!
P.S. don't take so much Panadol!May be try to drink Pocari Sweat + hot water!It is a healthy substitute!It really works !