臨近年尾的禮物

N年前係戲院睇過呢套港譯“魔女之速遞“，就覺得踩單車messenger好有型，單車未諗過買，不過就買左個L size messenger袋，果陣ＤＶＤ都吾興，只係買左隻VCD留為紀念，不過係大電視底下播就真係對Ｄ格仔冇哂興趣，一路等港版會幾時出dvd，等到家陣都未見蹤影。好在日本方面近排又再番出ＤＶＤ，封面靚過港版10xN次方咁多倍，仲有埋英文字幕，呢個假期可以慢慢煲啦！




同場加映，呢幾隻係幫朋友訂既DVD。sat吾知我可吾可以開隻"攻殼機動隊"黎睇下呢？我未睇過呀！如果好睇既話我都會訂佢既bluray版既....不過呢隻emotion best特價版又真係幾抵買bor!知你吾見左隻，順便幫你訂埋啦！吾知隻"Human nature"又點lae.....hee hee.....日本既封面設計真係高幾班呢！



Ai........最衰部DVD drive壞鬼左，攪到我家陣有新ＣＤ都入吾到itune，係amazon試聽過呢２隻碟真係吾錯，播住黎做野，食野，搭車，踩單車.........你話幾咁爽呢! Ai........新年目標係要買部新Mac.....27' imac 定買部macbook pro 好呢？定係tablet mac......

陳可悠2歲啦！

From German chan 2nd birthday

時間過得真係快，german chan小朋友話咁快又２歲啦！黎緊農曆新年又會做家姐呢，希望你快高長大，健健康康，吾好咁惡死，溫柔多Ｄ啦！

大人之科學 Vol.25 雙眼相機

早幾個月巳經知道今期又有相機送，之前係舊同事家中試玩過rolleiflex既真正雙眼機，有別一般相機既拍照方法，同曬出黎既相都真係吾錯，不過最衰要用不太普及既120菲林。今次大人之科學呢部只係用四圍都可買到既35mm菲林，價錢比citysuper賣緊果部同樣膠製既雙眼機平好多，即刻走去智源訂定２本啦！呢幾日一收到貨就即刻砌出黎試機啦，不過近排天陰陰.....太陽伯伯幾時出黎呀........

中環食遊記

圖1. 未落madhouse之前，先去左中環山頭既新開日式麵包鋪訂定幾條超好味方包，下星期送俾家姐同剛剛做左媽媽既amber姐試下啦！

圖2. 睇完展覽，本想去食返碗番茄通，不過見條不死人龍出現係歌賦街上，即刻轉呔去試下牛記茶室，佢個午餐"乾炒魷魚鬚河都炒得幾好味，不過份量細左小小，杯凍檸茶又差左dd....

圖3. 係食吾飽既情況下，忽然想食番個糖水，即刻走去玉葉整番碗冰凍"海帶綠豆沙“下一下火啦！d海帶又真係好鬼死大塊......

圖4. 原來玉葉隔離就係早排阿蘇介紹過既公利蔗汁，咁耐都未試過梗要試番杯啦，不過又吾覺有咩咁特別，$7蚊杯，未試過可以試下，試過又吾值番飲啦！

Are you Kidding?

診今日last day，即刻走去睇下同買埋本DVD+書啦！不過可吾可以分開買呢！我只係想要隻ＤＶＤ咋！收$150得吾得先？3舊水真係好肉赤.......

Swing is Back!!!

等左咁耐,佢地終於都返黎啦！新碟入面最喜歡這兩首歌！！

還是覺得你最好......

噢......賣葛........

Canon......你有冇攪錯呀！我部G10都未用夠１年，你就突然又殺出部G11仲要有Flip mon!!!!好心你橫掂都係加埋拍HDmovie啦！咁我就會上你檔啦！你好卑鄙呀！睇下你又幾時出到G17!!!!!

BICYCLE!!

近排主要運動就係踩單車啦！真係日又踩，夜又踩(由夜晚踩到第二朝早)，仲殺出香港，拎埋部車去台灣同澳門踩tim........搭巴士去黑沙灣海灘/去路灣安得魯食葡tat就試過姐，帶埋部單車搭覽車上燈塔你又試過未？不過係𠱁仔果面踩單車又真係好正，親身感受巳入哂自己既記憶入面，一Ｄ相片分享就去我既picasa度睇下啦！


http://picasaweb.google.com/jeffchan727/Macau26709#

結婚禮物

近幾年都好多同學仔/朋友仔結婚，我都鍾意用Fuji即影即有同佢地拍低當晚所穿著過既不同服裝係不同時刻都影底一張作為紀念，因為佢地本身都請左攝影師用比我貴幾10倍既器材實影得好過我既ＤＣ仔，二來你影我又影果陣就會阻住佢工作，所以用打游擊戰術，間吾中走出去影一張就閃，往往都會有Ｄ意外收鑊，用菲林機影又吾知等到幾時至影哂成筒菲林又要拎去哂，用數碼機影又吾知等到幾時至sent俾人，倒不如即刻影即刻有得睇，仲可以即刻拎返屋企入相架擺門口又得，每人一張擺銀包又得！
PS:多謝徐sir既相片擺位，祝Martin兄新婚快樂！

又2歲啦！

話咁快世皓豬/cedric B又２歲啦！黎緊８月份又開始返學呢！家陣都仲講緊BB火星話，不過間吾中都講幾個英文字既，同場表演閃電吹爉燭(連我都未ready好影相，呢位主人翁就吹熄左)，“吉“蛋糕(有相為證，佢並吾係切架！）
祝你快高長大，身體健康，聽教聽話啦！

Olympus E-P1

I wish you love......

多謝電影“小親親“ 介紹呢首歌我認識，開頭睇呢套戲只係覺得麻麻地姐，吾知係咪因為人越黎越大，每次電影台重播，越睇越鍾意呢套戲，而片尾呢首歌更令我刻骨銘心，nat king cole既演繹更勝電影Dick Lee版本！

運鐵珠.......

細路哥果陣好鍾意玩呢副運鐵珠遊戲(玩左咁耐都吾知叫咩名),不過果陣時邊有咁多錢買玩具呀,多數都去小童群益會擺底張會員証借黎玩.係當時覺得呢副野設計得好犀利,考你腦筋,平衡,力度,速度.隔左隔左十幾年都未再遇上,直到早排睇到小克本"偽科學鑑証"講番起,以前既回憶即刻返哂黎!今日行開玩具反斗城,本來諗住睇下有咩科學玩具買返學校,點知睇睇下,就發現呢盒轉左顏色同圖案既"Screwball scramble"!

常盤莊的青春

在５－６０年代日本東京都豊島区南長崎3-16-6，有座用木材建成的公寓，多位有名既漫畫家未成名前，都曾入住之中，包括有手塚治虫，寺田廣夫（本木雅弘），石森章太郎，藤子不二雄（藤本弘與安孫子素雄共用的筆名），赤塚不二夫，鈴木伸一，水野英子，森安直哉等．本片記錄了這幾位青年，大家懷著成為漫畫家的夢想，努力奮鬥，互相激勵，同甘共苦的日子．最後像”十個救火的少年”般一個一個搬離常盤莊，有的為了向動畫方向發展，有的作品得不到出版社垂青捱不了搬出，有的眼見後輩作品受歡迎程度超越自己，內心掙扎良久，最後都遷離常盤莊．
總覺得一些好作品，多數在你最窮，最辛酸的日子裹磨練出來．現實生活往往令人的夢想慢慢忘記，減退自己的堅持．
夢想和興趣能否成為你現在的工作呢？

09電影節又開始啦！

話咁快又一年,今年電影節選了19套戲如下:
23/3 誰和誰有路
24/3 玉戰士
27/3 四個阿媽一個佬
29/3 常盤莊的青春
30/3 生有時死有時
31/3 完全精神手冊
3/4 再見烏托邦
3/4 風塵三俠決戰地獄門
4/4 $10蚊有找,姆明仲夏狂想曲,捷古華拉,大丈夫下海
5/4 一首punk歌救地球
6/4 毒食難肥
7/4 靚太查案記
8/4 瘋狂的賽車
26/4 春光乍洩
27/4 中國

今晚7:15係ua太古城正式開波!

假日農場

二月份Strida Club會聚來到上水假日農場，原來就位於學校後山村入面。開頭還以為會落雨要取消，幸好只是比較潮濕和微微雨粉，中午還有陽光呢！農場有好多動植物供觀賞和餵食，原來羊不單祗吃時有騷味，原來牠們活生生時就巳經一身騷！

Timing......

有時覺得ipod內shuffle播歌功能好似能看穿你的心，在你開心、傷心、孤單、寂寞......既時候總會彈出一首應景既歌曲來賀你。好記得係你生日時一早預備好禮物＋你喜歡的蛋糕想同你慶祝，想好幾個方法帶給你，給你驚喜，但理想同現實似乎係我生命中都吾會有重疊既一日，最終都無緣親手交給你，隔夜蛋糕無人會要，更加無心情去食，只好掉到垃圾箱，時間接近零晨１２點，正當搭入樓下大堂的一刻，ipod 突然shuffle出呢首歌。Timing 係愛情來說真係好重要，祝各位早日係適合時間找到對的人，巳經找到既朋友就每日都開開心心，甜甜蜜蜜，珍惜對方，幸福快樂。Happy valentine's day!

Have a nice day!

只要簡簡單單，沒有什麼大小意外發生，在天朗氣清的天氣下，與家人、朋友或你喜歡的人,睇場戲、行下山、做運動、食餐飯......對我來說巳經係一個Nice Day!

Home Sweet Home

新一年，祝呢兩位BB身體健康，快高長大，聰明聆利，聽教聽話！世酷豬就吾好咁怕羞，肯俾我地抱下啦；可柔豬就吾好咁粗魯，gentle多Ｄ！
近幾年都好多身邊朋友仔都結婚同生仔，到左或接近３字頭，大家都開始計畫組織屬於自己既屋企，推介大家睇now TV 100台由阿旦主持既“Home sweet home" 同 林珊珊主持既“Have a nice day"，每集請吾同嘉賓分享做父母既點滴和家庭生活既苦樂，相信都可從別人既經驗中學到Ｄ野既。