你有冇見過SpaceWarp呢？

幾年前第一次係又一城Log On見到呢盒野都覺得好正，不過見到個價錢就卻步，諗下諗下屋又冇位擺，都係睇完就走。但近排班中四physics今年開始教kinetics既時候，呢盒野又慢慢從記憶裏彈番出黎。上次跟班中二去科學館時，睇見佢果套能量轉換儀器，係心裏面就諗緊可吾可以改到某幾part落呢副spacewarp度呢？某日行經淘大商場既一間模型玩具鋪，考慮左幾日就決定買左番黎做教具啦！擺左係prep room一排，因呢排都比較忙，只係開左盒，砌好Ｄ臂同升降梯，班細路abcd不停叫我快Ｄ砌好佢之後有得玩。今日完左中一面試，食完lunch番黎就開始動工，一係吾整，一開左波就停吾到手，又吾知肚餓，砌好哂都差不多九點幾。不過見住果幾粒鐵珠沿住軌道流動，真係好開心架。

中環半天遊 #3 - 美食團

第一站：沾仔記雲吞麵
新裝修既沾仔記，價錢貴左！要＄１４一碗，湯底冇味，麵仲有Ｄ梘水味，雲吞仲係好大粒。Ai.....都係去番大埔平記食“細蓉“ 好過！

第二站：Krispy Kreme doughnuts
佢地既doughnut真係好好食架！之前同幾個friend買左一盒去大球場，一路睇波，一路食，試左幾款doughnut，都係鍾意中間冇餡既，呢款狗sir推介既紐紋都吾錯！

中環半天遊 #2- H & M

H&M終於都在香港開鋪啦！早排巳經同朋友傾好搵個星期日朝早睇完 IFC 早場後，便逛下剛開左幾星期既H&M。剛到門口，只是排了一陣隊便可進去，入面分三層，最頂層係童裝，中間係女裝，地底果層係男裝。女裝果層都好鬼多人 ，cashier打哂蛇餅，好在男裝果層都吾係好多人，試身室又吾駛點排隊，最後都買左幾件polo，１件恤衫同１條西褲，款式都幾好價錢都算平，不過不設改褲。大家想行得舒服，就不防係平日／非繁忙時間去會比較好啦！

中環半天遊 #1-戰狼300

今日去左中環ＩＦＣ睇早場“戰狼300"，最衰遲左入場，miss左開頭5-10分鐘，不過套片都好好睇，個個男人都好鬼大隻，８舊腹肌，打鬥場片拍得好好睇！宜家既電腦特技真係越來越利害，只要幾個演員，再加埋綠背景，就可以拍出千軍萬馬對戰既場面！
**呢套戲我俾4隻apple @@@@!