2.22.2010

2010/02/20,17:07



話都冇咁快又做多一位bb既阿叔呢!呢位巨B有成9鎊幾重,不過血糖有D過低,家陣要訓住箱先,我地仲未有得見佢,借住佢老豆用iphone影既相出左呢篇post先!個樣真係好似老豆tim..........

2.14.2010

恭喜發財!!



祝各位身體健康,心想事成,快高長大,聽教聽話 (especially for小朋友)!

12.31.2009

臨近年尾的禮物


N年前係戲院睇過呢套港譯“魔女之速遞“,就覺得踩單車messenger好有型,單車未諗過買,不過就買左個L size messenger袋,果陣DVD都吾興,只係買左隻VCD留為紀念,不過係大電視底下播就真係對D格仔冇哂興趣,一路等港版會幾時出dvd,等到家陣都未見蹤影。好在日本方面近排又再番出DVD,封面靚過港版10xN次方咁多倍,仲有埋英文字幕,呢個假期可以慢慢煲啦!




同場加映,呢幾隻係幫朋友訂既DVD。sat吾知我可吾可以開隻"攻殼機動隊"黎睇下呢?我未睇過呀!如果好睇既話我都會訂佢既bluray版既....不過呢隻emotion best特價版又真係幾抵買bor!知你吾見左隻,順便幫你訂埋啦!吾知隻"Human nature"又點lae.....hee hee.....日本既封面設計真係高幾班呢!



Ai........最衰部DVD drive壞鬼左,攪到我家陣有新CD都入吾到itune,係amazon試聽過呢2隻碟真係吾錯,播住黎做野,食野,搭車,踩單車.........你話幾咁爽呢! Ai........新年目標係要買部新Mac.....27' imac 定買部macbook pro 好呢?定係tablet mac......

12.26.2009

陳可悠2歲啦!

From German chan 2nd birthday

時間過得真係快,german chan小朋友話咁快又2歲啦!黎緊農曆新年又會做家姐呢,希望你快高長大,健健康康,吾好咁惡死,溫柔多D啦!

11.16.2009

大人之科學 Vol.25 雙眼相機






早幾個月巳經知道今期又有相機送,之前係舊同事家中試玩過rolleiflex既真正雙眼機,有別一般相機既拍照方法,同曬出黎既相都真係吾錯,不過最衰要用不太普及既120菲林。今次大人之科學呢部只係用四圍都可買到既35mm菲林,價錢比citysuper賣緊果部同樣膠製既雙眼機平好多,即刻走去智源訂定2本啦!呢幾日一收到貨就即刻砌出黎試機啦,不過近排天陰陰.....太陽伯伯幾時出黎呀........

9.13.2009

中環食遊記


圖1. 未落madhouse之前,先去左中環山頭既新開日式麵包鋪訂定幾條超好味方包,下星期送俾家姐同剛剛做左媽媽既amber姐試下啦!

圖2. 睇完展覽,本想去食返碗番茄通,不過見條不死人龍出現係歌賦街上,即刻轉呔去試下牛記茶室,佢個午餐"乾炒魷魚鬚河都炒得幾好味,不過份量細左小小,杯凍檸茶又差左dd....

圖3. 係食吾飽既情況下,忽然想食番個糖水,即刻走去玉葉整番碗冰凍"海帶綠豆沙“下一下火啦!d海帶又真係好鬼死大塊......

圖4. 原來玉葉隔離就係早排阿蘇介紹過既公利蔗汁,咁耐都未試過梗要試番杯啦,不過又吾覺有咩咁特別,$7蚊杯,未試過可以試下,試過又吾值番飲啦!

Are you Kidding?

診今日last day,即刻走去睇下同買埋本DVD+書啦!不過可吾可以分開買呢!我只係想要隻DVD咋!收$150得吾得先?3舊水真係好肉赤.......






Swing is Back!!!

等左咁耐,佢地終於都返黎啦!新碟入面最喜歡這兩首歌!!