係大家既右手面就係最新一期既大人之科學vol.15既封面，今期介紹電影同動畫既發展歷史同原理，仲介紹一些8mm既器材。呢期既投影機都吾係好難砌，最麻煩既就係整果Ｄ紙帶菲林，又要剪，又要駁，仲要拮埋Ｄ窿！幾經辛苦終於砌好部機同２餅紙菲林，用番amazon個紙盒再加張A4紙就作為螢幕，熄哂prep room既燈，開著部機，用平均既速度咁攪餅紙帶，就可以睇到套短片，我第一套播既就係小飛俠黑白卡通，另一面就係Honda 機械人Asimo短片。DV就拍得多，都想試下拍下8mm，好耐之前都試過係深水埗遇過一部8mm機，都有考慮左一陣，不過最終見佢個電池箱好污穢先冇買到！吾知幾時先有緣俾我遇到部靚仔既8mm機呢？
1 則留言:
打波呀!!
發佈留言