你有冇見過SpaceWarp呢？

幾年前第一次係又一城Log On見到呢盒野都覺得好正，不過見到個價錢就卻步，諗下諗下屋又冇位擺，都係睇完就走。但近排班中四physics今年開始教kinetics既時候，呢盒野又慢慢從記憶裏彈番出黎。上次跟班中二去科學館時，睇見佢果套能量轉換儀器，係心裏面就諗緊可吾可以改到某幾part落呢副spacewarp度呢？某日行經淘大商場既一間模型玩具鋪，考慮左幾日就決定買左番黎做教具啦！擺左係prep room一排，因呢排都比較忙，只係開左盒，砌好Ｄ臂同升降梯，班細路abcd不停叫我快Ｄ砌好佢之後有得玩。今日完左中一面試，食完lunch番黎就開始動工，一係吾整，一開左波就停吾到手，又吾知肚餓，砌好哂都差不多九點幾。不過見住果幾粒鐵珠沿住軌道流動，真係好開心架。