世酷豬一歲生日快樂！

大人既時間過得真係快，話都冇咁快咁就一年！上年今日，係廣華醫院第一次見你，仲係細細粒既手抱BB，宜家雖然你未學識行，但巳經爬得好快。第一次生日，你爸爸媽媽一早請哂假同你興祝，夜晚就成家人同你食番餐生日飯慶祝啦！



hee hee........當然吾少得２位咁得意可愛既表妹一齊同你賀生辰啦！右手面果位就係阿哥個女陳可悠小朋友啦，著埋條花花裙又真係好靚女bor，仲學埋表哥係咁叫tim!(ps:點解表妹睇落仲大隻過阿表哥既？世酷B你要食多Ｄ野至得bor!)



可能日頭去左東涌玩，係開飯前，世酷豬都訓陣覺覺豬charge下電，等爸媽有陣安落飯食下啦，點知..........................



世酷豬一訓醒就咳左幾聲，跟住就嘔左Ｄ奶＋痰既混合物係爺爺同媽媽Ｄ衫度，真係嚇左我地一跳，你爸媽同嫲嫲就即刻帶你去睇醫生啦！



好在你只不過係傷風姐，可能早上出街果陣冷親啦！你第一個生日就係咁渡過左，仲有兩個生日蛋糕未切tim.........！祝你身體健康，快高長大！下年生日我地再慶祝過！