30對男仔來講係咪一個關口，2字頭都仲可以叫男仔/死靚仔，到左3字頭就叫做佬! 運動越來越少，脂肪越來越多，吾只人老左，責任也越來越重，家姐，阿哥都結哂婚，搬哂出去住，又要開始擔起頭家，屋企就得番你同阿媽。身份也不再只係人地個仔/細佬，宜家做埋舅父仔，遲下聖誕仲做埋阿叔。公司方面原本仲以為擁有車路士咁強既理科陣容，諗住熟哂佢地Ｄ踢法，強陣應付CE,a-level,新高中，就實sure win，點知天意弄人，一下子換哂３科老細，全部轉哂會，所有野還原基本步。令我明白到離開不只容易，傳染性重勁過SARS，留底需要更大的勇氣同耐性去堅持自己既理念。自身方面，究竟到左30歲既目標係咪要有車，有樓，有份高薪厚職，有老婆仔女？到呢刻以上列出既野我一樣都未達到，睇來都仲相差十萬百千里，都真係要等中六合彩jetpot頭獎至得！仲有一個謎既就係，到30歲先至有拖拍既預言會否成真呢？Everybody please stay tune...............
3 則留言:
我好明呀~
但你唔好只係講你無d咩~
都要諗下你有已經有d咩~
eg 仲行得走得，可以四周去食共玩~
hee hee....收到！我都好滿足現在所得到既！包括家人,朋友,健康,工作............又係果句“有又煩，冇又得鬼閒“ ！
哈﹗阿偉，我都好似你咁有諗過呢d問題，不過真係要諗下你已有乜而唔係無乜，而家覺ok 就可以了﹗人人既生命進程都唔同麻？同意麻？開心過每一天, 知道自己想做乜先至最重要﹗
發佈留言