運鐵珠.......

細路哥果陣好鍾意玩呢副運鐵珠遊戲(玩左咁耐都吾知叫咩名),不過果陣時邊有咁多錢買玩具呀,多數都去小童群益會擺底張會員証借黎玩.係當時覺得呢副野設計得好犀利,考你腦筋,平衡,力度,速度.隔左隔左十幾年都未再遇上,直到早排睇到小克本"偽科學鑑証"講番起,以前既回憶即刻返哂黎!今日行開玩具反斗城,本來諗住睇下有咩科學玩具買返學校,點知睇睇下,就發現呢盒轉左顏色同圖案既"Screwball scramble"!

常盤莊的青春

在５－６０年代日本東京都豊島区南長崎3-16-6，有座用木材建成的公寓，多位有名既漫畫家未成名前，都曾入住之中，包括有手塚治虫，寺田廣夫（本木雅弘），石森章太郎，藤子不二雄（藤本弘與安孫子素雄共用的筆名），赤塚不二夫，鈴木伸一，水野英子，森安直哉等．本片記錄了這幾位青年，大家懷著成為漫畫家的夢想，努力奮鬥，互相激勵，同甘共苦的日子．最後像”十個救火的少年”般一個一個搬離常盤莊，有的為了向動畫方向發展，有的作品得不到出版社垂青捱不了搬出，有的眼見後輩作品受歡迎程度超越自己，內心掙扎良久，最後都遷離常盤莊．
總覺得一些好作品，多數在你最窮，最辛酸的日子裹磨練出來．現實生活往往令人的夢想慢慢忘記，減退自己的堅持．
夢想和興趣能否成為你現在的工作呢？

09電影節又開始啦！

話咁快又一年,今年電影節選了19套戲如下:
23/3 誰和誰有路
24/3 玉戰士
27/3 四個阿媽一個佬
29/3 常盤莊的青春
30/3 生有時死有時
31/3 完全精神手冊
3/4 再見烏托邦
3/4 風塵三俠決戰地獄門
4/4 $10蚊有找,姆明仲夏狂想曲,捷古華拉,大丈夫下海
5/4 一首punk歌救地球
6/4 毒食難肥
7/4 靚太查案記
8/4 瘋狂的賽車
26/4 春光乍洩
27/4 中國

今晚7:15係ua太古城正式開波!

假日農場

二月份Strida Club會聚來到上水假日農場，原來就位於學校後山村入面。開頭還以為會落雨要取消，幸好只是比較潮濕和微微雨粉，中午還有陽光呢！農場有好多動植物供觀賞和餵食，原來羊不單祗吃時有騷味，原來牠們活生生時就巳經一身騷！

Timing......

有時覺得ipod內shuffle播歌功能好似能看穿你的心，在你開心、傷心、孤單、寂寞......既時候總會彈出一首應景既歌曲來賀你。好記得係你生日時一早預備好禮物＋你喜歡的蛋糕想同你慶祝，想好幾個方法帶給你，給你驚喜，但理想同現實似乎係我生命中都吾會有重疊既一日，最終都無緣親手交給你，隔夜蛋糕無人會要，更加無心情去食，只好掉到垃圾箱，時間接近零晨１２點，正當搭入樓下大堂的一刻，ipod 突然shuffle出呢首歌。Timing 係愛情來說真係好重要，祝各位早日係適合時間找到對的人，巳經找到既朋友就每日都開開心心，甜甜蜜蜜，珍惜對方，幸福快樂。Happy valentine's day!

Have a nice day!

只要簡簡單單，沒有什麼大小意外發生，在天朗氣清的天氣下，與家人、朋友或你喜歡的人,睇場戲、行下山、做運動、食餐飯......對我來說巳經係一個Nice Day!

Home Sweet Home

新一年，祝呢兩位BB身體健康，快高長大，聰明聆利，聽教聽話！世酷豬就吾好咁怕羞，肯俾我地抱下啦；可柔豬就吾好咁粗魯，gentle多Ｄ！
近幾年都好多身邊朋友仔都結婚同生仔，到左或接近３字頭，大家都開始計畫組織屬於自己既屋企，推介大家睇now TV 100台由阿旦主持既“Home sweet home" 同 林珊珊主持既“Have a nice day"，每集請吾同嘉賓分享做父母既點滴和家庭生活既苦樂，相信都可從別人既經驗中學到Ｄ野既。

Dead-Alive 群屍玩過界

#2- 原罪犯 Old Boy Bluray 版

“原罪犯“係韓國導演朴贊郁《復仇三部曲》的第二部曲，第一部係“復仇“，最後一部就係“親切的金子“。自從租番屋企睇過之後，真係好後悔當時上映時冇入戲院睇，真係拍得好出色，映像好震撼，音樂又好聽，上網查過原來改編自一本日本同名漫畫。本來都想買《復仇三部曲》的box set，不過當知道出左Old Boy 既bluray版後，梗係買畫質同聲最好既黎收藏啦！除左套戲隻碟外，仲有多隻making of bonus碟，今晚仲忍吾住即刻播黎睇，真係好鬼清，仲發現到幾位小朋友演員原來之前有份演出亞視播既韓劇“再見豔陽天“ 分別演阿哥同家姐（呢套劇係我阿媽既“費佛“劇集，係當時我都要被逼睇佢餸飯......）。希望其餘２套快Ｄ出埋bluray版，"賣費佛“ 復仇三步曲就儲齊啦！＃ＰＳ：睇完套戲，都覺得背景音樂幾好聽，都想買埋佢張soundtrack添！

#1- Pedal（book+DVD）

呢本係記錄美國單車messenger活動既documentary 書和記錄片，自從好耐之前睇左日本片“メッセンジャー(Messenger)" 港譯“魔女之速遞“後，就覺得messenger真係好型，果陣仲買左個messenger袋tim!到近年fixed gear係香港hit起，先至對佢地所採用既單車有認識，fixed gear車真係好型，不過型既背後係要負出代價，要學識點踩無break既track單車，用skid黎煞車，真係幾危險下！如果屋企夠位、住係沙田、同埋夠錢既話都會砌番架既.................

又收到美國訂既野啦！

呢次又俾amazon玩，明明寫語estimate 17/11至送到，點知昨晚返到屋企樓下信箱一睇，有張郵局收包裹既紙，心諗吾會係美國同日本訂既書同碟架，日本果d要等埋YUI隻精選album同marcoss本書又係11月中至有。今朝 12點零起身就拿拿聲去睇下係咩啦！仲以為係ac nelson果Ｄ家居購物調查果Ｄ野，好在係美國訂既碟同書到左，又有幾套戲睇啦！

眼紅紅

連續2星期既眼睛發炎真係好難頂！傷風感冒會令你成個人又倦又冇mood，訓多d就得！但對眼發炎，又痕又吾擦得，想睇書、電視、電影、上網，個身好想做，但對眼痕到冇哂mood去睇！download哂全部20世紀少年，吾該你幫幫手快d遠離我！

第一次用iphone寫blog

昨天晚上在上水剪完髮後，便到沙田買富士Instax菲林，預備美儀與阿蜂結婚當天之用。但去到至發現那間店鋪已經關門大吉....!只好到citysuper逛一圈，看看manhattan portage 日本版dot柄的模樣，最後都與它緣慳一面，失望離去。臨走一刻，卻發現了一檔售賣日式紅豆餅的檔口。只要$9便可嘗到熱烘烘、香噴噴和甜味適中的紅豆餅了。（第一次用手寫方法寫blog真係好吾慣，可能自己的筆畫有錯，寫好耐都認吾到想要的字！）

豬手周

原本以為會攪2日1夜科學camp，點知最後變左做科學鐵人賽一日day camp！分開phy，chem，bio三段時間玩三組比賽，bio方面就係玩砌豬手豬腳骨模型，呢個game既意念係來自第五期既大人之科學入面既其中一個單元介紹用豬手腳骨砌模型，果位日本人真係好犀利，仲出左好多本書有關不同種類既動物骨骼。好耐之前讀lab tech cert. 果陣都試過整青蛙骨骼模型。呢次都係第一次整16隻豬手骨模型:
1.首先要煮到Ｄ肉同骨鬆開 2.跟住要挑乾淨骨外面既肉和筋 3.再將骨浸落稀NaOH一晚，令骨表面上既軟膜溶化和易挑除 4.焗乾豬骨，再浸落有機溶劑去除骨內油脂約幾天至一個星期 5.再將巳去油既骨浸落稀釋雙氧水漂白一天，焗乾豬骨後便可以用。
我地就係呢幾日內，盡最大努力，做好以上處理步驟，咁難得用咁多功夫，又臭，又油咁整d豬骨，都想Ｄ骨可以整好Ｄ，靚Ｄ，同擺耐Ｄ啦！今次都係第一次係chem lab一次過set哂所有hot plate煮哂16隻豬手....................
（PS:係呢幾個禮拜我都吾係點想食有關豬既食品！）

世酷豬一歲生日快樂！

大人既時間過得真係快，話都冇咁快咁就一年！上年今日，係廣華醫院第一次見你，仲係細細粒既手抱BB，宜家雖然你未學識行，但巳經爬得好快。第一次生日，你爸爸媽媽一早請哂假同你興祝，夜晚就成家人同你食番餐生日飯慶祝啦！



hee hee........當然吾少得２位咁得意可愛既表妹一齊同你賀生辰啦！右手面果位就係阿哥個女陳可悠小朋友啦，著埋條花花裙又真係好靚女bor，仲學埋表哥係咁叫tim!(ps:點解表妹睇落仲大隻過阿表哥既？世酷B你要食多Ｄ野至得bor!)



可能日頭去左東涌玩，係開飯前，世酷豬都訓陣覺覺豬charge下電，等爸媽有陣安落飯食下啦，點知..........................



世酷豬一訓醒就咳左幾聲，跟住就嘔左Ｄ奶＋痰既混合物係爺爺同媽媽Ｄ衫度，真係嚇左我地一跳，你爸媽同嫲嫲就即刻帶你去睇醫生啦！



好在你只不過係傷風姐，可能早上出街果陣冷親啦！你第一個生日就係咁渡過左，仲有兩個生日蛋糕未切tim.........！祝你身體健康，快高長大！下年生日我地再慶祝過！

Jon & Amber wedding photo by Hexar

今日一收工即刻走去八月照相館拎相，不過途經旺角一間新開專賣中式飽點店鋪，都幫親番個菜肉飽試下先，行經肥媽間鋪，都吾少得整番串魷魚加辣啦！等左幾日先至有得睇番果日用hexar影既相，菲林相機就係冇得即時睇番影出黎既效果，成日都要等幾日至有得睇，有時吾好彩，可能成年前影既相，要等影哂成筒菲林先見人！不過今日睇番Ｄ相，等下都係值得架！菲林同數碼機影出來既感覺都係好吾同，而可能因為hexar擁有大光圈＋後快門，支鏡頭質素又真係不錯，影出黎既相都好sharp好清，最衰有幾張相揸得吾夠定，同埋focus錯左，如果吾係就perfect 啦！不過我都要努力練好Ｄ構圖同用熟Ｄ部機先！Hexar呢部機真係冇買錯，希望你平平安安，同我一齊記錄低每個重要時刻！
PS:大家可到以下網頁睇下Ｄ相啦！
http://fotologue.jp/grd727

929- Jon & Amber wedding day!

昨晚預備今晚要播既歌都攪到３點至訓，今朝一早５點幾起身，又飛去將軍澳拎㩒花入屯門。不過呢幾日既辛苦都係值得既，所有兄弟姊妹都替你們高興！由IVE識佢地倆位，至今都差不多７年啦，今晚都係第一次親身睇到新郎哥拉小提琴！今晚最攪笑既環節，都相信係“尋找新郎的遊戲“ 啦，經我地既美指阿Ｂ小姐既化妝同做型設計，離遠睇都真係好難認得出！我諗呢次都係我人生中第一次同最後一次做婚禮MC，講野絕對係我最吾掂既一環，我都係做番Ｄ幕後影下相，拍下片，剪下片，播下音樂好過啦！Sorry la!German姐！最後真係希望你地白頭到老，永結同心，快Ｄ有自己既屋同ＢＢ啦！

當晚新郎與新娘!

王老太重現旺角！

終於見到你！

呢幾年中秋都成日落雨，仲以為呢幾日落雨天都見吾到個月亮，點知今日趕去荃灣食過節飯既時候，抬頭一望，成個天又冇咩雲，用肉眼都好清楚咁見到個又圓又大既月亮。細個開始就好鍾意望月亮，一路搭車一路望，點解個月亮好似我地去到邊就跟到去邊咁既！今個中秋第一次同成家人出去酒樓過節食飯，仲同左世皓B 玩左成晚tim!ha ha......




二手ＢＢ車初登場

BB冇眼睇啦！

OT良伴-收音機

今年開埋中六，都估到會好多野要做，好多lab要試，所以都諗住買番部收音機看下門口。細收音機仔自己都有部，不過成日要插住headphone聽，做起野上黎始終吾方便。用電腦網上聽又成日聽聽下斷線，或者連吾到線冇得聽。有日行開深水埗，見到佢又幾靚仔，收得又幾清，都係百零蚊有交易，一於帶佢番公司啦！一個人做野都真係幾悶，開住部收音機都係想聽下歌，多把聲講下野，好似有個人係度陪緊你做野，等你冇咁悶唶！

Strida 5.0 (sport)

等左好耐，恨左好耐，諗左好耐，最後都係將佢帶左番屋企！阿媽見到到呢個包裝仲問我做咩買個吉他番屋企，當佢知道原來係架單車黎既時候都嚇左跳！買佢既原因，係因為可以摺得埋，帶得上巴士、地鐵同火車，有得推住行又吾駛背住周圍走，雖然身形吾夠Abike細，但係佢踩得夠舒服！都預計到今年會比較夜收工，有左佢就吾駛再等273A，又吾駛行出去火車站，放假既時候又可以周圍踩。不過都係秋天踩單車最好，吾會踩到成身汗...............！