原本以為會攪2日1夜科學camp，點知最後變左做科學鐵人賽一日day camp！分開phy，chem，bio三段時間玩三組比賽，bio方面就係玩砌豬手豬腳骨模型，呢個game既意念係來自第五期既大人之科學入面既其中一個單元介紹用豬手腳骨砌模型，果位日本人真係好犀利，仲出左好多本書有關不同種類既動物骨骼。好耐之前讀lab tech cert. 果陣都試過整青蛙骨骼模型。呢次都係第一次整16隻豬手骨模型:
1.首先要煮到Ｄ肉同骨鬆開 2.跟住要挑乾淨骨外面既肉和筋 3.再將骨浸落稀NaOH一晚，令骨表面上既軟膜溶化和易挑除 4.焗乾豬骨，再浸落有機溶劑去除骨內油脂約幾天至一個星期 5.再將巳去油既骨浸落稀釋雙氧水漂白一天，焗乾豬骨後便可以用。
我地就係呢幾日內，盡最大努力，做好以上處理步驟，咁難得用咁多功夫，又臭，又油咁整d豬骨，都想Ｄ骨可以整好Ｄ，靚Ｄ，同擺耐Ｄ啦！今次都係第一次係chem lab一次過set哂所有hot plate煮哂16隻豬手....................
（PS:係呢幾個禮拜我都吾係點想食有關豬既食品！）
